द सिनेमा टाइम्स, काठमाडौँ – अभिनयमा तारिफसँगै रनबिर कपूरले वर्ष २०१८ का लागि बक्स अफिसमा उत्कृष्ट सुरुवात गरेका छन् । राजकुमार हिरानी निर्देशित सिनेमा ‘सन्जु’ले प्रदर्शनको पहिलो दिन घरेलु बक्स अफिसमा वर्षकै उत्कृष्ट कमाई गरेको छ ।
बलिउड ट्रेड एनालिस्ट तरण आदर्शका अनुसार सिनेमाले पहिलो दिन ३४.७५ करोड कमाई गरेको छ । यसले सलमान खानको ‘रेस ३’लाई उछिनेको छ । दुई साता अगाडी प्रदर्शित ‘रेस ३’ले पहिलो दिन २९.१७ करोड कमाइ गरेको थियो ।
यो रनबिरको करिअरमा पहिलो दिन सर्वाधिक कमाइ गर्ने सिनेमा पनि बनेको छ । यसअघि रनबिरको सर्वाधिक कमाइ गर्ने सिनेमा ‘बेशरम’ थियो । बक्स अफिसमा फ्लप भएतापनि ‘बेशरम’ले २१.५६ करोड बाट बक्स अफिस सुरुवात गरेको थियो ।
Non-holiday… Non-festival release… Yet, #Sanju packs a PHENOMENAL TOTAL on Day 1… Emerges the BIGGEST OPENER of 2018 [so far]… Also, Ranbir’s HIGHEST OPENER to date… Expected to cross ₹ 100 cr in 3 days, as per trends… Fri ₹ 34.75 cr. India biz.
— taran adarsh (@taran_adarsh) June 30, 2018
शुक्रबारदेखि प्रदर्शनमा आएको ‘सन्जु’ले चौतर्फी तारिफ बटुलिरहेको छ । यसले विकेन्डमै सय करोडको आँकडा छुने अनुमान गरिएको छ । सिनेमामा रनबिरका अलावा परेश रावल, विक्की कौसल, मनिषा कोइराला, अनुष्का शर्मा, दिया मिर्जा, सोनम कपूर, जिम सर्ब लगायतका कलाकारको अभिनय छ । सिनेमा अभिनेता संजय दत्तको जीवनीमा आधारित छ ।
TOP 5 – 2018
Opening Day biz…
1. #Sanju ₹ 34.75 cr
2. #Race3 ₹ 29.17 cr
3. #Baaghi2 ₹ 25.10 cr
4. #Padmaavat ₹ 19 cr
[Thu release; incl Wed previews ₹ 24 cr]
5. #VeereDiWedding ₹ 10.70 cr
India biz.
[Hollywood films not included]— taran adarsh (@taran_adarsh) June 30, 2018
प्रतिक्रिया