अनुभवको ‘नाई नभन्नू ल ५’ ट्रेलर रिलिज

द सिनेमा टाइम्स, काठमाडौँ – भाद्र ८ गते रिलीज हुने सिनेमा ‘नाई नभन्नू ल ५’ को आज काठमाडौँमा एक कार्यक्रमको आयोजना गरी ट्रेलर सार्वजनिक गरिएको छ । सार्वजनिक ट्रेलरमा मुख्य कलाकार स्वस्तीमा खड्का, केकी अधिकारी, प्रियंका कार्की, निरुता सिंह, दिलिप रायमाझी, अभिषेक नेपाल र बालकलाकार अनुभव रेग्मी र सेड्रिना शर्मालाई फिचर्ड गरिएको छ ।

‘नाई नभन्नू ल’ सिरिजमा इमोसनल स्टोरी र बलियो संगीत पक्षलाई दर्शकले मन पराउँदै आएका छन् । यो श्रृङखलामा पनि पारिवारिक कथा र सम्पूर्ण दर्शकलाई बाँध्न सक्ने संगीत रहेको निर्देशक विकाश आचार्यले बताए । हरिबोल भण्डारी र गौरी जोशीले निर्माण गरेको सिनेमाका कार्यकारी निर्माता दिनेश पोखरेल, पुरुषोत्तम प्रधान र बिष्णुमणि दाहाल हुन् ।

विकाश आचार्यले निर्देशन गरेको सिनेमाबाट अभिषेक नेपाल र बालकलाकार सेड्रिना शर्माले नेपाली सिनेमामा डेव्यु गर्दैछन् ।भदौ ८ गते रिलिज हुने फिल्ममा जयनन्द लामा, उत्तम केसी, बुद्धि तामाङलगायतका कलाकारको पनि अभिनय छ । वान टाइम सिनेमाको व्यानरमा निर्माण भएको सिनेमामा बसन्त सापकोटाको संगीत, अर्जुन जिसीको सम्पादन, पुरुषोत्तम प्रधानको छायांकन, कविराज गहतराजको कोरियोग्राफी रहेको छ ।

नोट: हरेक शुक्रवार बेलुका ९ बजे NtvPlus मा कार्यक्रम ‘द सिनेमा टाइम्स, हेर्न नभुल्नु होला, हाम्रो यस आधिकारिक website मार्फत पनि Tv Show (द सिनेमा टाइम्स,) हेर्न सकिने छ | साथै एभिन्युज टेलिभिजन मा बिहान ९.३० बाट बेलुकी ९.३० सम्म प्रतेक घण्टा प्रोमो प्रसारण भैरेहेको छ ।

Leave a Reply

Your email address will not be published. Required fields are marked *