द सिनेमा टाइम्स, काठमाडौँ । अभिनेत्री निशा अधिकारी निर्मित सिनेमा ‘झ्यानाकुटी’को सार्वजनिक मिति तय भएको छ । सिनेमाको फस्टलुक पोस्टर सार्वजनिक गर्दै निर्माण पक्षले भदौ ८ मितिलाई लक गरेको छ ।

सार्वजनिक पोस्टरमा सिनेमाकी मुख्य कलाकार बेनिशा हमालले सौगात मल्ललाई काँधमा बोकेकी छन् । सेतो पृष्ठभुमिमा तयार गरिएको पोस्टरभित्र अर्को पोस्टर समावेश गरिएको छ । हाल सम्पादन कक्षमा रहेको सिनेमालाई सिमोस सुनुवारले निर्देशन गरेका हुन् । कमेडी जनराको यो सिनेमाले भदौ ८ मा बहुप्रतिक्षित सिनेमा ‘कृ’संग बक्सअफिस सामना गर्नुपर्नेछ । यो मितिमा अनमोल केसी स्टारर ‘कृ’ आउँने हल्ला छ ।