पल र बर्षा अभिनित ‘विर विक्रम २’ युट्युबमा रिलिज


द सिनेमा टाइम्स, काठमाडौं – अभिनेता पल शाह, नाजिर हुसेन र बर्षा सिवाकोटी अभिनित सिनेमा ‘विर विक्रम २’ युट्युबमा रिलिज भएको छ । मिलन चाम्सको निर्देशनमा निर्माण भएको सिनेमा बक्सअफिसमा असफल सावित भएको थियो ।

चाम्स इन्टरटेनमेन्ट र लण्डन सिने आईको व्यानरमा निर्माण भएको सिनेमाका कार्यकारी निर्माता अर्पण सापकोटा हुन् । भने, सिनेमामा रञ्जीता सिवाकोटी सह निर्माताको रुपमा रहेकीछन् । ‘विर विक्रम २’मा देशभक्त खनाल, मनोज केसी, विनिसा भण्डारी, बुद्धि तामाङ, क्षितीज सुवेदी, बाल कलाकार मनिष लिम्बु, कृजन गौतम लगायतका कलाकारको अभिनय रहेको छ ।

सिनेमामा प्रदीप भारद्धाजको कथा, पटकथा तथा संवाद, कविराज गहतरातको कोरियोग्राफी, हिमाल केसीको द्धन्द्व, रञ्जीत गजमेर, ताराप्रकाश लिम्बु र राजनराज सिवाकोटीको संगीत, सुदीप बरालको डिओपी, नवराज उप्रेतीको छायांकन, बनिष शाहको सम्पादन रहेको छ ।

प्रतिक्रिया दिनुहोस्