नुवाकोटको बट्टारमा सञ्चालन भइरहेको चौथो नुवाकोट महोत्सवमा गत शुक्रबार महानायक राजेश हमाल, विशेष आकर्षणका रुपमा रहे । महानायक राजेश हमालले यसअघि नुवाकोट आउँदाको संस्मरण सुनाउनुका साथै चर्चित गायिक सुनिता दुलालले गयको गीतमा नृत्य प्रस्तुत गरेका थिय । हमाल नृत्य गर्दै दर्शकतिरै पुग्दा महोत्सवमा थप रौनक थपिएको थियो । राजेश हमाललाई नजिकैबाट हेर्न, छुन र फोट खिच्नका लागि महोत्सवमा सहभागी दर्शकहरुले मरिहत्य गरेका थिए । झण्डै तीन घण्टा महोत्सव स्थलमा रहेका हमाललाई फोटो खिच्नेहरुको भिडबाट निकाल्नका लागि आयोजकलाई हम्मेहम्मे परेको थियो । महानायक आफुसंगै नुवाकोट बासीलाई छमछमी नचाए । हमालले महोत्सवमा सम्बोधन गर्दै भने फिल्म खेल्न थालेको २७ वर्ष भइसक्यो । तर, तपाई हरुको मायाले उमेरचाँहि २५ बाट उँभो कहिल्यै लागेन ।
प्रतिक्रिया