द सिनेमा टाइम्स, काठमाडौँ – सिनेमा पब्लिसिटीका लागि नेपाल मात्र नभएर अन्य देशमा पनि बिभिन्न तौर तरिका अपनाउने गरिन्छ । कुनै तरिका सफल हुन्छन त कुनै असफल ।
मंसीर १ गते रिलिज हुने सिनेमा ‘झ्यानाकुटी’ अहिले चर्चामा छ । कारण हो, सिनेमाको प्रचार शैली । ट्रेलर, गीतबाट औषत माथि प्रतिक्रिया पाएको सिनेमाले पोस्टरबाट राम्रै प्रतिक्रिया पायो । पोस्टरको प्रतिक्रियालाई छोपेर निशा अधिकारी निर्मित सिनेमाले नयाँ प्रचार तरिका अपनायो ।
अहिले ‘आफ्नो प्रेमीलाई’ बोकेर सामाजिक संजालमा फोटो पोस्ट गर्ने कन्टेस्ट निकै हिट भैरहेको छ । जहाँ आम दर्शक र सेलेब्रेटीले समेत यो ‘फोटो कन्टेस्ट’मा सहभागिता जनाईरहेका छन् । आज हामि केहि सिनेकर्मी तथा पत्रकारले फेसबुकमा आफ्नो जोडीलाई बोकेको तस्विरहरु सार्वजनिक गर्दैछौ ।
सिमोस सुनुवार निर्देशित सिनेमामा सौगात मल्ल र बेनिषा हमालको मुख्य भूमिका छ । यो ‘फोटो कन्टेस्ट’मा सहभागी हुन्, आफ्नो प्रेमीलाई जुरुक्कै बोकेको फोटो फेसबुकमा अपलोड गरि ‘झ्यानाकुटी’को अफिसियल फेसबुक पेजमा ट्याग गर्नु पर्नेछ । फोटोमा आएको ‘रियाक्ट’को आधारमा विजेता छानेर एकाउन्न हजार रुपैयाँ पुरस्कार दिईनेछ ।
प्रतिक्रिया