एनएफडिसी २०७३: विपिन, प्रियंका र ‘छक्का पन्जा’ उत्कृष्ट !

द सिनेमा टाइम्स, काठमाडौँ । ‘एनएफडिसी’ राष्ट्रिय चलचित्र पुरस्कारको पाँचौ संस्करण सम्पन्न भएको छ । राजधानीको पाँचतारे होटेलमा सम्पन्न अवार्डमा दश विधामा मनोनित सिनेमा ‘पुरानो डुंगा’ले सर्वाधिक पाँच विधामा कब्जा जमायो । त्यस्तै पन्ध्र विधामा मनोनित ‘छक्का पन्जा’ले चार विधामा अवार्ड जित्यो । साथै ‘छक्का पन्जा’लाई बर्षकै व्यावसायिक सिनेमाको अवार्ड समेत प्राप्त भयो ।

एघार विधामा मनोनित ‘जात्रा’ले तिन विधामा कब्जा जमाउँदा नौ विधामा मनोनित ‘लूट २’ले दुई विधामा अवार्ड जित्यो । उत्कृष्ट सिनेमा ‘छक्का पन्जा घोषित हुँदा सोहि सिनेमाबाट दीपाश्री निरौलाले उत्कृष्ट निर्देशकको अवार्ड जितिन् ।

उत्कृष्ट अभिनेतामा विपिन कार्कीले ‘जात्रा’बाट अवार्ड जिते । त्यस्तै प्रियंका कार्कीले अभिनेत्रीमा ‘छक्का पन्जा’बाटै अवार्ड उचालिन । ‘निभ्न लागेको दियो’ले मह-जुरी राष्ट्रिय चलचित्र पुरस्कार जित्यो । त्यस्तै कान्तिपुर दैनिकका पत्रकार सुशील पौडेललाई पुस्कर सर्वोत्कृष्ट चलचित्र अवार्डबाट सम्मान गरियो ।

करिब तिन घण्टा चलेको समारोहमा बलिउड अभिनेत्री मनिषा कोइराला प्रमुख अतिथि थिइन् ।

विजेताहरुको सुची:-

उत्कृष्ट पार्श्व संगीत: ईमान विक्रम शाह – चपली हाईट २

उत्कृष्ट ध्वनी मुद्रण (मिक्सिङ): मनोजराज भण्डारी – जात्रा

उत्कृष्ट द्वन्द्व निर्देशक: रोशन श्रेष्ठ – किङ्ग

उत्कृष्ट नृत्य निर्देशक: विक्रम स्वार – ठमेल बजार (लूट २)

उत्कृष्ट पाश्र्व गायन: मीना निरौला – ठमेल बजार (लूट २)

उत्कृष्ट संगीतकार: काली प्रसाद वास्कोटा – निर जहिले रिसाउने (पुरानो डुंगा)

उत्कृष्ट सम्पादन: मित्र गुरुङ – जात्रा

उत्कृष्ट छायाँकार: सैलेन्द्र डी. कार्की – पुरानो डुंगा

उत्कृष्ट पटकथा लेखक: रामबाबु गुरुङ / उपेन्द्र सुब्बा – पुरानो डुंगा

उत्कृष्ट हाँस्यकलाकार: केदार घिमिरे – छक्का पन्जा