मंसिर पहिलो साताबाट सिनेमाको छायाँकन सुरु हुँदैछ । वर्ष २०७६ को बैशाख १३ गतेलाई प्रदर्शन मिति घोषणा गरिएको सिनेमाले हरेक मानिसले ‘दाल भात तरकारी’ खानका लागि गर्ने संघर्षको कथा बोल्ने घोषणा समारोहमा जनाइयो । सिनेमाको कथा हरिवंश आचार्यले लेखेका हुन् । स्क्रिन प्ले र डाइलग पनि उनकै हो । शम्भुजित बाँस्कोटाको संगीत रहने सिनेमाका गीत हरिवंश आफैंले लेखेका छन् । सिनेमामा पुष्पको जोडी स्वस्तिमासँग बाँधिएको छ भने हरिवंश र निरुतालाई जोडीको रुपमा देख्न सकिनेछ । विल्सन विक्रम राई, राजाराम पौडेल, यमन श्रेष्ठ, शिवहरी पौडेल, किरण केसीलगायतका कलाकारहरुको पनि सिनेमामा अभिनय रहने बताइएको छ ।