फिल्म छक्का पञ्जा २ ले दुइ दिनमा झन्डै तीन करोड नजिकको व्यापार गर्दै नयाँ रेकर्ड कायम गरेको छ । हामीले निर्माता, वितरक तथा हल संचालकहरु संग बुझेर तयार पारेको रिपोर्ट अनुसार यो बहुप्रतिक्षित फिल्मले प्रदर्शनको पहिलो दिन असोज ११ गते अल नेपालबाट झण्डै एक करोड पचास लाख र दोस्रो दिन झण्डै एक करोड चालिस लाख व्यापार गरेको छ | आज तेश्रो दिन पनि फिल्म हेर्न दर्शकको घुइँचो उत्तिकै छ । दर्शक हरुको प्रतिक्रिया राम्रो भएका कारण टिकाको दिन दिउसोदेखि हलमा दर्शकको भिड अझै बढने अनुमान गरिएको छ । अब के आफ्नै नाममा रहेको सर्वाधिक ग्रसर १६ करोडको रेकर्ड चाहिं छक्का पञ्जा २ ले तोड्ला त ? दिपाश्री निरौला निर्देशित फिल्म छक्का पञ्जा २ मा दिपकराज गिरी, प्रियंका कार्की, जितु नेपाल, केदार घिमिरे, शिवहरी पौडेल, बर्षा राउत, स्वस्तिमा खडका, स्वरुप पुरुष ढकाल लगायतको अभिनय छ ।
प्रतिक्रिया