८ करोड बजेटमा ‘बहुपती’ प्रथामा ‘सुर्योदय’ निर्माण हुने

द सिनेमा टाइम्स, काठमाडौँ । नौं वर्ष अगाडी निर्माण घोषणा भएको सिनेमा ‘सूर्योदय’- The sunrise Sonam and her husband’s अब बन्ने भएको छ । सिनेमालाई अहिले ‘कान्छी’ निर्देशन गरिरहेका आकाश अधिकारीले निर्देशन गर्नेछन् ।

‘द स्काई मुभिज’द्वारा २०६५ सालमा ‘सूर्योदय’ निर्माणको घोषणा गरिएको थियो । ‘घरको जेठो दाईले विहे गरेको युवतीलाई बाँकी भाईहरुले आफ्नै पत्नी मान्नु पर्ने’ बहुपती प्रथामा निर्माण हुने सिनेमाको लागि खोज अनुसन्धान गर्दा लामो समय लागेकोले समयमै निर्माण गर्न नसकिएको निर्देशक अधिकारीले जानकारी दिएका छन् ।

उत्तर पूर्वी डोल्पा र उत्तर पश्चिम मनाङ, मुस्ताङमा व्याप्त रहेको ‘बहुपती’ प्रथा निर्माणको लागि नेपालमा पहिलो पटक रेड क्यामरा भित्र्याइएको थियो । ‘हामीले यस विषयबस्तुमा सिमित लगानीमा डकुमेन्ट्री बनाएको भए, उहिले तयार गरिसक्थ्यौ । तर, लोप हुँदै गैरहेको ‘बहुपती’ प्रथालाई फिचर सिनेमा मार्फत विश्वव्यापी रुपमा चिनाउनु हाम्रो लक्ष्य हो । ८ देखि १० करोड बजेटमा ‘सुर्योदय’ निर्माण हुनेछ ।’ अधिकारीले थपे । ‘सुर्योदय’ निर्माण ढिलाई हुँदा उक्त रेड क्यामराबाट आकाशले ‘काठमाडौँ’ सिनेमा निर्माण गरेका थिए ।

सिनेमा निर्माणमा ‘द स्काई मुभिज’सँग स्वदेशी तथा विदेशी संघसँस्थाले सहकार्य गर्नेछन् । साथै, स्वदेश र विदेशका संघसंस्थाले यसको ‘कपीराइट’ प्रतिलिपी अधिकार सुरक्षित गरिसकेका छन् । ‘कान्छी’ निर्माण पछी २०१८ बाट ‘सुर्योदय’ निर्माणको थालनी हुनेछ । ‘बहुपती’ प्रथामा अनुसन्धान गरिएको भिडियो  (Research about the sunrise) युट्युबमा सार्वजनिक गरिसकिएको छ ।

नोट: हरेक शुक्रवार बेलुका ९ बजे NtvPlus मा कार्यक्रम ‘सिनेमा नेपाल’ हेर्न नभुल्नु होला, हाम्रो यस आधिकारिक website मार्फत पनि Tv Show (सिनेमा नेपाल) हेर्न सकिने छ | साथै एभिन्युज टेलिभिजन मा बिहान ९.३० बाट बेलुकी ९.३० सम्म प्रतेक घण्टा प्रोमो प्रसारण भैरेहेको छ ।

Leave a Reply

Your email address will not be published. Required fields are marked *