सुरु भयो सुशीलको ‘बादशाह जुट’

द सिनेमा टाइम्स, काठमाडौँ – नेपाली सिनेमा ‘बादशाह जुट’को छायाँकन सुरु भएको छ । शनिबार राजधानीबाट छायाँकन सुरु भएको सिनेमालाई पोखरा र मुम्बईमा पनि खिचिनेछ ।

जोनी सिंह राणाले निर्देशन गरिरहेको सिनेमामा सुशील श्रेष्ठ, आमिर गौतम, केइसा रावत, रोशी खड्का, रश्मि पाण्डे, रोबिन तामाङ लगायतका कलाकारको अभिनय रहनेछ । स्मरण रहोस् अभिनेता सुशील श्रेष्ठले यो भन्दा अगाडी सिनेमा ‘लभ डायरिज’को छायाँकन सिध्याईसकेका छन् । जुन सिनेमामा सुशील भिन्न भूमिकामा प्रस्तुत भएका छन् । निर्माण पक्षका अनुसार ‘बादशाह जुट’मा पनि सुशीलको भिन्न अवतार देख्न सकिनेछ ।

‘बादशाह जुट’मा एच एण्ड बी फिल्मससँग गोल्डेन ग्रेप्स फिल्म एण्ड इन्टरटेनमेन्टले सहकार्य गरेको छ । २ घण्टा ९ मिनेट लामो रहने सिनेमा पूर्ण व्यावसायिक बनाइने निर्माण पक्षले बताएको छ । अभिषेक कुमार सैनी लिखित सिनेमामा कमेडी, एक्सन, रोमान्स र थ्रिलको समिश्रण पाइने छ ।

नोट: हरेक शुक्रवार बेलुका ९ बजे NtvPlus मा कार्यक्रम ‘द सिनेमा टाइम्स, हेर्न नभुल्नु होला, हाम्रो यस आधिकारिक website मार्फत पनि Tv Show (द सिनेमा टाइम्स,) हेर्न सकिने छ | साथै एभिन्युज टेलिभिजन मा बिहान ९.३० बाट बेलुकी ९.३० सम्म प्रतेक घण्टा प्रोमो प्रसारण भैरेहेको छ ।

Leave a Reply

Your email address will not be published. Required fields are marked *