द सिनेमा टाइम्स, काठमाडौँ – रनबिर कपूर स्टारर सिनेमा ‘सन्जु’ले घरेलु बक्स अफिसमा उडान भरेको छ । हिन्दी सिनेमाको इतिहाँसमै सिंगल डे कलेक्सनमा यसले नयाँ रेकर्ड सेट गर्न सफल भएको छ । ‘सन्जु’ले यहाँसम्मकी २०१७ मा रिलिज भएको ‘बाहुबली २’को हिन्दी भर्सनलाई पनि पछाडी पारेको छ ।
पहिलो दिन ३४.७५, दोस्रो दिन ३८.६० करोड कमाई गरेको सिनेमाले तेस्रो दिन अहिलेसम्मकै सर्वाधिक ४६.७१ करोड नेट कमाई गरेको छ । हिन्दी भर्सनको कुरा गर्दा सिंगल डेमा सर्वाधिक कलेक्सनको रेकर्ड ‘बाहुबली २’को नाममा थियो । उसले प्रदर्शन तेस्रो दिन ४६.५० करोड कमाई गरेको थियो । त्यस्तै बलिउडमा ‘ह्याप्पी न्यु इयर’ले सिंगल डेमा ४४.९७ करोडको रेकर्ड सेट गरेको थियो ।
#Sanju creates H-I-S-T-O-R-Y… Records HIGHEST SINGLE DAY for a HINDI film… DEMOLISHES the record held by #Baahubali2 [Hindi]… #Baahubali2 had collected ₹ 46.50 cr on Day 3 [Sun]… #Sanju has surpassed it, collects ₹ 46.71 cr on Day 3 [Sun]. India biz. Boxoffice on ???
— taran adarsh (@taran_adarsh) July 2, 2018
‘सन्जु’ तीन दिनको कमाइमै सय करोड क्लबमा पनि समावेश भएको छ । विकेन्ड कलेक्सन १२०.०६ करोड पुग्दा ‘सन्जु’ २०१८ मा पहिलो तीन दिनमा सर्वाधिक कमाउने सिनेमासमेत बनेको छ । यसअघि ‘पद्मावत’ले पाँच दिने विकेन्डमा ११४ करोड कमाइ गरेको थियो ।
#Sanju sets the BO on ???… Gets #JaaduKiJhappi from the audience… Collects ₹ 46.71 cr on Sun, MIND-BOGGLING… Has an EXCEPTIONAL ₹ ? cr+ opng weekend… Emerges HIGHEST OPENING WEEKEND of 2018… Fri 34.75 cr, Sat 38.60 cr, Sun 46.71 cr. Total: ₹ 120.06 cr. India biz.
— taran adarsh (@taran_adarsh) July 2, 2018
राजकुमार हिरानी निर्देशित सिनेमालाई मिस्रित प्रतिक्रिया प्राप्त भएको छ । कत्तिले यसको चौतर्फी चर्चा गरिरहेका छन् भने कतिले संजय दत्तको जीवनका धेरै कुरा नसमेटिएको भन्दै गुनासो पोखेका छन् । कतिले राजकुमार हिरानी जस्तो निर्देशकले संजयको जीवनीलाई पर्दामा उतारेर बक्स अफिसमा सेफ ल्याण्डिङ खोजेको आरोप पनि लगाएका छन् ।
सिनेमामा रनबिरका अलावा परेश रावल, विक्की कौसल, मनिषा कोइराला, अनुष्का शर्मा, दिया मिर्जा, सोनम कपूर, जिम सर्ब लगायतका कलाकारको अभिनय छ । सिनेमा अभिनेता संजय दत्तको जीवनीमा आधारित छ ।
प्रतिक्रिया