द सिनेमा टाइम्स, काठमाडौँ – भिलेनको रुपमा सिनेमा ‘ऐश्वर्य’बाट डेब्यु गरेका प्रशान्त ताम्राकार अहिलेका चलेका टप ५ अभिनेताको सुचीमा पर्छन । लूक्स र अभिनयका कारण यी अभिनेतालाई अहिले व्यस्तताले छोएको छ ।

‘ऐश्वर्य’ पछि कुनै पनि सिनेमा रिलिज भएका छैनन् । तर, प्रशान्त ‘जय शम्भु’, ‘कस्मिक लभ’, ‘रणवीर’ र ‘क्याप्टेन’मा जोडिसकेका छन् । यी मध्ये उनि महँगै पारिश्रमिकमा ‘रानीमहल’मा पनि अनुबन्धित थिए । दुर्भाग्यबस उनि छायाँकनमा जाँदासम्म ‘रानीमहल’सँग जोडिन सकेनन् ।

यति मात्र होइन प्रशान्तलाई नै मुख्य भूमिकामा लिएर रोमी मानन्धरले सिनेमा ‘मायाङ्क’ पनि घोषणा गरिसकेकी छन् । जितेन्द्र खतिवडाले निर्माण गर्ने सिनेमामा ज्योत्सना योगी र शुसिल उप्रेतीको पनि मुख्य भूमिका रहनेछ । प्रेमकथामा बन्ने जुन सिनेमा भदौ पहिलो सातादेखि छायाँकनमा जानेछ र यसको रिलिज टार्गेट माघ महिनालाई गरिएको छ ।